今個聖誕前 我去左旅行 原來跟團去係好悶架 點解咁悶 因為依個團大多數都係老人家 得我地四個後生仔女 話說第一日 我放工之後 就同莎娜、佩芝、Dicky 上左深圳 首先就食左個宵夜 我地就食左一個麻辣雞煲  個個都食到出曬汗 唯獨個莎娜小姐 食左幾啖 去左廁所嘔 佢仲話好難食 啲味又臭 佢真係唔識食 食完之後去就去左揼骨 啲師傅手勢真係差 揼到鬼死咁痛 俾佢揼完之後仲攰過之前 最可憐就係俾個妹妹仔按到我雙腳勁痕 好在我冇... 不過走曬光 俾佢望到曬 跟住就係個瞓到朝早五點幾就去左飲茶 到七點半係羅湖集合 今次既目的地就係中山、珠海同澳門 等齊人之後 我地終於出發啦 第一站中山 一去到中山之後 第一樣野就係食蕉 有好多種味道架 係個度既特產 最得意就係紅色既蕉 食完蕉之後 就去左睇無聊既表演 得個幾歲就可以做啲好高難度既動作出黎 但係我都覺得無咩特別 不過莎娜就俾左五蚊佢地  之後我地就去左一個冇生果既果園搵生果 跟住係午膳時間 好飽食唔落 今餐又有雞啦 依個係我地第三餐有雞既野 跟住就去左客家村 個導遊話依度最出名就係乳鴿同豆腐花 仲有一個最老既婆婆 本來諗住騎馬  但係太污糟 所以我地最後坐牛車
去搵個一百二十歲既老婆婆 結果都係搵唔到 唔知佢係唔係入左棺材 之後我地去玩射箭同飛標 我啲箭術好勁 射左去隔離個杷 最後我地都嬴左四碗豆腐花 跟住就去左食豆腐花同乳鴿 跟住我地又去左食正宗菠籮  個菠籮果然好波 可以一啖食落肚 食左咁耐 終於可以去玩啦 我地去左珠海玩 首先就係上山 玩衝鋒車 都幾刺激 又夠快 終於搵到一樣啱我地既野 跟住就去左睇人俾魚喂 都唔明點解啲人放左隻腳落個池度 啲魚都可以食啲人既臭腳 之後又食有雞既晚飯 跟住去睇一場好悶既show 同睇主持點搞爛gag 最好睇都係啲舞女跳舞 跟住去左間核突酒店沖涼and食有雞既宵夜 之後瞓教 但係隔離房就不停傳出怪聲 你估下係咩聲 第二日我地就去左澳門 去左六間賭場 結果間間都輸錢 之後輸到點幾就搭船返屋企   你估依個係室外定室內?? | 
